三等艙打工生活
吾生也有涯，唔死有排捱。人生在世，最重要係有工開，有糧出；尤其係異地要VISA 續命既人。
喺英國，BNO係好，可以landing之後唔使去警局報到，又可以登記做選民。但以上前題係要喺英國有份工。一講到打工，就要數到職場上既三等人：
1）英國人…BNO唔算(funny face)
2）EU（歐盟）人…BNO更加唔算，喺EU就作別論
3）唔喺上面既任何人……尼個先係BNO
咁BNO係第三等人，有乜唔同？
一等人就同你（香港人）喺香港工作一樣無受限制，只要乎合British Nationality Act 1981既citizen，就有居留權同工作權。BNO……真係好可惜......唔算。
二等人係EU人，有自由遷移權，打工唔使VISA（起碼而家至2020年都唔駛）。而BNO簽發國家哎吔都算係英國，而你喺英國的話，你點都唔算「外人」（亦同時唔係自己人——第一等人）......比較起來就自然有啲矛盾
三等人，必須要VISA先可以長期逗留。而工作VISA，差唔多要比千幾鎊英國政府作為申請費同醫療保險，仲未計你屋企人。所以BNO唔係比特衰好好多，咪再FF。
BNO係三等人，即係請你就頭痕。首先僱主要喺sponsorship list上面有佢個名先可以申請請外勞（BNO）。所謂sponsorship，其實就係泛指VISA，亦表示僱主提名你申請VISA。
同時你又要滿足英國政府要求，包括無肺癆，年薪達標，有英文能力，身家夠養自己，同學歷到達要求。最最最重要係：
英國係比較祟尚自行解決紛爭，雖則話sponsorship（贊助），好多情況係僱主同僱員「協議」，由僱員俾錢；重要係連移民律師果份都俾埋。政府每年罰僱主1000鎊除外……因為有規定唔可以。
老闆本來只係R腳，請左你又要R埋頭，所以請得，都一定係千挑萬選。無法子，鬼叫你要做過江龍。
就係咁，BNO喺英國既工作（咕喱）生活就係咁得意，亦都係我作為異星人既由來。又好似70年代啲香港人喺香港生活咁。我曾經睇過一套BBC電視劇叫迴轉幹探（Life on Mars），主角除左第一集之外，後面每集開頭都會講：
Am I mad, in a coma, or back in time? Whatever’s happened, it’s like I’ve landed on a different planet.
迴轉幹探（Life on Mars）
