身痕文學

上得Facebook 越多越腦殘。或者直接啲：低等民族先不停上Social Media．如果你唔係得到呢個結論嘅，唔知你係虛偽，定真係智者啦。

如果你失業嘅，或者剛畀人裁走嘅，或者反正都想爆老細樽辭佢老母職嘅，就正好。或者你係freelance 在家工作嘅，你啲工作搬到去台灣都做到嘅（例如你係寫稿佬），十分好。但其他情況，就等於你辭咗份工。而你坐移民監嗰時，係不能打工嘅。況且，台灣嘅人工，算吧啦。

移民台灣，其實唔難。最難就只係落決定嗰下。真的，呢個句式你見過好多次，我都未必信，但有時真係咁。對上一次我見呢句嘢係睇Lonely Planet講旅行，其實最難就係決定去。你決定咗，打後嘅嘢就易搞。移民台灣（其實第度都係），最難，其實都係決定。你有咗決定，之後嘅嘢真係好簡單。

幾時都係手快有手慢冇，早去早享受。你話我串嘴仆街涼薄都好，而家先急急搞嗰啲，唔知過去幾年係做緊乜的，去咗委內瑞拉支持革命？定去咗盧旺達做義工？

作客，魯營喎，坐十萬人喎，雲景道喎，就真係唔同。對手甚至成世都冇訓過碌架床（我看見時代的眼淚）。佢有張大床，好大的床。床頭玩到床尾都得。樓底又夠高，點頂都頂唔到天花。咁就可以玩女上男下了。你睇，當年雖然未去到扑嘢都冇錢冇位嘅程度，但原來有錢就可以騎乘，冇錢嘅只可以下格床傳教士。

咁你話，喂，推車丫。嗯，冇噃。一來都話我係個懶人。二來，我唔想對住蘇斯克查推車。嗰個年代仲未賭波反合法，唔會有伯明翰對車路士變成「阿伯無力推車」！係嗰個蘇斯克查！而家教曼聯嘅蘇斯克查！點解對住佢？因為我房有佢張海報。係喎，當時仲係曼迷。

我諗過去一年，我雖然未做到 「唔使睇人面色」 「鍾意講乜就講乜」（可能永世都做唔到）。但至少我好似做到，冇人迫到我講啲我唔想講嘅嘢。所謂誠實，唔係做到 「我想講乜就照講」（後果好嚴重喎），但至少 「我講得出嘅就係我心中諗嘅嘢」。唔順超嘅，咪唔講。

F付出少回報高嘅？其實最勁嗰幾篇全部都好快寫完。寫文有時真係同自己過唔去，寫到懷疑人生。好似真係寫嘅時間同收視，有微微的負相關。作者明顯同個世界嘅口味有啲脫節。

2012，我去咗唔知幾多次吉隆坡，兩次檳城，幾次新加坡，倫敦，慕尼黑，法蘭克福，然後放假去意大利。結婚再去悉尼，坎培拉（係！悉尼飛坎培拉！），烏魯魯，再去瓦努阿圖，年尾仲去埋古巴同墨西哥，邊有得比？都未計返大陸。另外，早兩年，囡囡在台北坐移民監時，我隔星期就去，一年去十幾廿次台北…

在仙台閃閃書入面，關於魯迅嘅東西，係零。一個字都冇提過。not a single fucking word．啱丫，你睇人封面寫乜先？食玩買終極天書嘛。魯迅食得的？你睇閃閃書想搵魯迅 ，不如買龍虎豹搵（而其實啲鹹故文學水平幾高，肯定高過閃閃書，實不相瞞都對我寫作有啲影響）。

想講嘅係，點解大同江啤酒係北韓人嘅驕傲？因為，啤酒似乎係北韓而家唯一一樣勝過南韓嘅東西。以前在運動可能係（北韓世界盃一早入過八強，唔使靠出術添），但而家南韓差不多每一方面（除咗軍隊人數）都勝過北韓。就係啤酒例外。

其實我對好多嘢都係咁。忍到咪忍，忍唔到咪行開以後唔幫襯。有幾難？最緊要有選擇嘛。 — 我對餐廳，對歌手，對女，對朋友，對生命（自己的），對香港，都係咁。

遺憾？我何止a few，too many to mention．呢個世界大把遺憾啦。例如沙士嗰時冇買樓，十蚊冇買騰訊。古語有云，問君能有幾多愁，恰似滿倉中石油。

聽一次歌，好似談一次不後悔嘅戀愛咁。而本城只宜失戀，不宜戀愛。 理論上， 談一次戀愛， 先可以失一次戀， 一出， 一入。但聽一隻CD，或者去一次演唱會，絕對唔係愛一個上一課，往往你失左十二隻戀，碌到隻 bonus track等到N call， 都未談到一次戀愛

你話本身老豆老母已經上級中產嗰啲，剩返三個太古城單位畀你，一個炒一個住一個放租，個仔去追夢讀戲劇都仲得。 但真係窮等人家想脫貧嘅，香港點都係讀醫。穩陣，可靠。

商業世界又好，踢波又好，股票都一樣。對手水平高咗，你自然就冇咁易突出（所以，買ETF啦）。雲加以前著重飲食，數據分析，買球員放眼世界 — 當時係好前衞，但之後人地見佢成功，個個都抄，你咪冇優勢。唔通你話自己有專利，定話人地抄你？冇意思的。

第一句歌詞係 「天使鬢上滿波紋」，冇乜特別。第二句呢，係「巨軟雪糕任我吻」。 首先我係覺得填得有啲奇怪，正諗住講「當年啲大學生都係普通料啫，作家喎，填詞人喎，文青喎」。然後我就叮一聲醒咗，知道點解好似填得咁怪，更加覺得首詞填得好。其實成首中文歌詞，係大約意譯返英文歌詞的，西飛利

作者認為，蠢人有以下共同嘅特質：大量供應總有一個喺左近，唔理性，損人不利己，破壞社會整體福祉。作者認為人類無法對抗防備呢啲蠢人，唯一希望就係唔蠢嘅人更加努力 （睇到呢度開始覺得其實係勸世文，人人都覺得自己唔係蠢人，所以睇完就會好努力）