「光復香港 時代革命」(林鄭,2019)同埋「國歌」嘅諧音化,只係如實反映返「溫和抗爭者」/非「前線」嘅 #初衷 — — — 就係唔好企最前。
「溫和抗爭者」一年前會嗌「光復香港」,係因為大勢所趨,喺「前線」呢條保險線(aka死都係佢地死先)嘅保護下,嗌口號、主張獨立,係非常安全嘅事。「光復香港」為佢地提供咗情緒上嘅出口, #無成本又可以 成為抗爭陣營嘅一份子,就好似買贖罪券咁,何樂而不為?
我懷疑(雖然都好遲)過多一排,「唔洗理中國都可以搞港獨」就會退潮。
傳統泛民淨係識望中央施恩固然係「大中華膠」;而家下某啲完全排斥同中國互動、同你討論中國就話你大中華膠嘅思潮,就係因為舊果套唔work,而all in咗另一面,一廂情願嘅「獨膠」。
唔好話咩,講罷港鐵講咗咁耐,又話「交通工具唔係淨係得一種」、「香港人唔係無咗地鐵唔得」,結果係咩?當然唔係港鐵跪低啦,最多都係屯公顯靈啫。以香港嘅交通情況嚟講,如果真係有過半人完全唔搭地鐵,應該真係癱瘓咗路面交通。
港共政府呢到逆市加公屋租金一成,果頭就捐一百萬比廣西,不禁令人驚呼「屌你老味又喺乞兒兜揦飯食!」
街工玩野,「初選輸咗都唔一定唔出選」,本質上係賭緊選民(mainly佢啲票源)有幾「白痴」。
「規則」係用「懲罰」嚟實現。泛民初選嘅野,無法律約束力,更加無「地下」約束力(唔通你用江湖規矩私了佢咩),真係大家講個信字。
而家有人出嚟玩串個party,動搖緊所有人對初選嘅信心,咁初選嘅玩家就需要實施某種「懲罰」,嚟維護呢場遊戲。而佢地唯一嘅手段就係令唔遵守規則嘅人失去選票,最終落選,去鞏固返初選嘅意義。
香港警察日發飛揚跋扈、入境處曾國衛出任政制及內地事務局局長,進入權力核心。蔡子強以「武進文退」四字形容。
「不割蓆不分化」,只要有共同目標、愛相同嘅事物就係自己人。甚至有人/舖扮黃都可以當睇唔到先。
但終有一日難以避免對「呢條友係咪自己人」作出判決:呢條友聲稱係自己人,但係做緊傷害「自己人」嘅野,咁點先?
自稱手足周圍呃錢、不停吹風勇武抖抖先等埋乜乜乜、亂鳩咁捧老師(好似日本啲藝人定係師傅都係叫せんせい)然後就踩到落地、甚至一邊所謂打「國際戰線」一邊喺twitter自暴其短,點判斷佢地係無心之失定係鬼?要割蓆定係包容教化?
消滅唔到就唯有含撚……sor,包容。
屯門娜娜再出動、泛民左膠又想起大台、口頭和理非[1]見鎗即割,與其話係「劣根性」、「無得救」,不如話人類生而不平等,有啲人特別精英行得特別前;有啲人特別垃圾。
(暫時)解決垃圾嘅方法唔係無,學共產黨咁,殺曬佢地咪得囉。
但對於平民嚟講,法律面前你要含撚,充其量只可以以小學雞level暴力[2]去「威逼」佢地就範:幾萬人圍鳩娜娜嚇走佢、斥之為「人血饅頭」一度疑似全面放棄選舉嚇窒泛民左膠。
最重要唔係民主、唔係法治。係(香港)民族、係權力。
條文、制度係幫助人獲取權力嘅手段。好嘅制度(或者)可以分薄執政者嘅權力,咁如果現實無按照制度咁實行、執政者搲爛塊面用武力制止反對力量呢?
條文係死嘅,只要權力喺敵人手上,佢中意點做都得,唔通本基本法識自己跳起身放火魔法?
反之,自己人當家作主,可以消滅敵人,強化香港人嘅話,黑貓白貓,又有乜所謂?
一橫一直。「社會」係人類想像嘅產物,而人類同任何生物一樣,一直生存喺弱肉強食嘅大自然裡面。只有權力,先確保到權利。
有人提議,政府應該通過「決鬥法」,
「 市民有任何爭端可以進入決鬥狀態,警方與法律部門不得介入」
難得今日有興致講下(少少)數學,都叫關關地近排啲新聞事,貼返(少少)地嘅,希望唔會有人一見到話數學就上一頁。lol
「起多條路呀?好呀,多條路行,車流分散咗,咪無咁塞囉!」聽落其實真係好合理。我假設唔會無啦啦多咗人揸車返工先(講故唔好駁故,啲乜乜學家最中意假設架啦),如果多咗條路行,就算我當條新路完全無人用呀,都起碼唔會塞過以前先啦,何況有人用條新路,變相少咗人用舊路,咁咪大家都快咗囉!