Маніфест Камітэта Супраціву
Кантэкст
Што нясе з сабой імперыялізм і пуцінскі рэжым? Мы пабачылі гэта на змрочным прыкладзе Данбаса і Крыма. Па нядаўнім крывавым падаўленні народаў Беларусі і Казахстана, знішчэнні пратэстнага руху ў Расіі, бамбардаваннях сірыйскіх гарадоў. Пуціну гэтага аказалася мала: 24 лютага 2022 года ён пачаў поўнамаштабную вайну з Украінай. Сёння тут знаходзіцца эпіцэнтр супраціву прыгнёту. Барацьба ўкраінцаў дае надзею на вызваленне ўсім народам, якія пакутуюць ад пуцінізму.
На працягу стагоддзяў тэрыторыя сучаснай Украіны стаяла на мяжы амбіцый імперый і іншых агрэсіўных сіл. Сюды, далей ад дэспатыі, сцякаліся вольныя духам людзі, такія як казакі і паўстанцы-апрышкі. Тут за волю народа супраць усіх уладароў біліся героі-махноўцы.
Сённяшняя вайна ва Украіне — гэта працяг барацьбы за свабоду народаў ад аўтарытарызму. Жыхары Украіны і многіх іншых краін разам абараняюць свабоды і правы, здабытыя стагоддзямі народнай барацьбы і намаганняў рэвалюцыянераў. І хаця ўкраінская дзяржава зараз на слыху ў многіх, супраціўленне расійскаму нападу аказвае масавы народны рух.
Хто мы?
Камітэт супраціву — гэта пляцоўка дыялогу і каардынацыі анархісцкіх, лібертарных і антыаўтарытарных ініцыятыў. Мы перакананыя, што Украіна і ўся Усходняя Еўропа павінны быць вольнымі ад дыктатуры. Свабода, салідарнасць і роўнасць павінны стаць найважнейшымі прынцыпамі грамадскага ладу ў рэгіёне. Наша задача — аб’яднаць намаганні барацьбітаў з аўтарытарызмам для эфектыўнай барацьбы за нашы ідэалы і каштоўнасці. Паўплываць на лёс Украіны і ўсяго рэгіёну, зберагчы тыя свабоды, што ўжо здабытыя, і спрыяць іх пашырэнню.
Нашы прынцыпы
“За нашу і вашу свабоду!” — Мы супраціўнікі імперскага панавання, якое ва Украіне сёння ўвасабляе крывавае пуцінскае войска. Мы змагаемся за ўкраінскае грамадства супраць разбурэння і гібелі, якія нясуць яму расейскія акупанты. І калі ў гэтай барацьбе адначасова ўдзельнічае ўкраінская дзяржава, гэта не значыць, што мы сталі яе прыхільнікамі. Мы не лічым народы Расіі і Беларусі нашымі ворагамі. Працягваем руку ўсім вальнадумным расейцам і беларусам і заклікаем іх разам з намі змагацца супраць дыктатуры. Мы разумеем: пакуль ачаг тыраніі ў Маскве не будзе ліквідаваны, усяму рэгіёну пастаянна давядзецца сутыкацца з замахамі на сваю свабоду. Любому мясцоваму тырану, які душыць свой паўсталы народ, заўсёды прыйдзе на дапамогу “маскоўскі цар”. Мы хочам бачыць сябе і нашых суседзяў свабоднымі, а значыць, павінны сумеснымі намаганнямі пакласці канец пуцінскаму рэжыму.
Справядлівасць — мы супернікі любых формаў прыгнёту чалавека чалавекам, адносін панавання і падпарадкавання, сацыяльнай няроўнасці. Усе прыгнятальнікі павінны быць зрынутыя. Месца тыраніі павінна заняць свабоднае і раўнапраўнае супрацоўніцтва ўсіх суб’ектаў грамадскага жыцця. На гэтым прынцыпе мы будуем і сваю сённяшнюю дзейнасць. Справядлівасць не дасягнута, пакуль у грамадстве захоўваецца абуральны дысбаланс у размеркаванні ўлады і даброт. Справядлівасць неймаверная для нас без гендэрнай роўнасці, экалагічнасці, пераадолення дыскрымінацыі па любых прыкметах.
Салідарнасць — мы аддаем прыярытэт кааперацыі перад канкурэнцыяй. Блізкасці і супрацоўніцтву — перад адчужэннем. Калектыўнасці і супольнасці — перад эгаізмам і атамізацыяй. Аднак мы не адмаўляем непаўторнасць і ўнікальнасць кожнай індывідуальнасці. Свабода кожнай і кожнага працягваецца ў свабодзе іншых. Ніхто не вольны, пакуль усё не будуць вольнымі.
Што мы робім?
Сёння ва Украіне супернікі аўтарытарызму актыўна ўдзельнічаюць у асноўных сферах супрацьстаяння агрэсіі:
1. Падчас ваенных дзеянняў
2. У сферы валанцёрскай дапамогі
3. На інфармацыйным фронце
Місія Камітэта супраціву складаецца ў забеспячэнні камунікацыі і каардынацыі намаганняў розных груп і індывідаў, якія актыўна ўцягнутыя ў гэтыя працэсы.
Што можна зрабіць зараз, апроч барацьбы з акупантамі?
Для нас важна, якім будзе ўкраінскае грамадства. Мы адзначылі перамены, якія хочам ажыццявіць:
1. Адмяніць несправядлівы знешні доўг Украіны: гэта пятля на шыі краіны ў руках міжнародных фінансавых інстытутаў і багатых дзяржаў. У барацьбе з пуцінскім рэжымам зацікаўленыя не толькі жыхары Украіны, а таму адмена знешняга доўгу — гэта адзін з прыкладаў салідарнасці.
2. Правесці ўнутраную крэдытную амністыю для грамадзян Украіны з нізкім і сярэднім дастаткам. Закрэдытаванасць насельніцтва — вынік недасканаласцей эканамічнай сістэмы. Жыхары ваюючай краіны павінны быць вызваленыя ад гэтага цяжару.
3. Стварыць сістэму асамблей — органаў самакіравання на месцах. Гэта павінна стаць усеагульнай практыкай. Асамблеі павінны стварацца як па тэрытарыяльнай, так і па прафесійнай прыкмеце (прафсаюзы). Развіццё прафсаюзнага руху пралугледжвае стварэнне органаў самімі працоўнымі для калектыўнай абароны сваіх эканамічных інтарэсаў.
4. Даць больш магчымасцей і рэсурсаў тэрытарыяльным грамадам. У прыватнасці, пашырыць практыку стварэння лакальных сіл самаабароны, якая ўжо паказала сваю запатрабаванасць у ваенны час.
5. Даць украінскае грамадзянства ці сталы дазвол на жыхарства, а таксама поўны сацыяльны пакет, медычную страхоўку і жытло ўсім замежным грамадзянам, якія змагаюцца супраць акупантаў, калі яны выявяць такое жаданне.
6. Забяспечыць даступнае жытло: адэкватную сістэму сацыяльнай/муніцыпальнай арэнды, даступныя танныя крэдыты на куплю жытла, магчымасць атрымаць кватэру задарма для маладых сем’яў і іншых бедных груп насельніцтва.
7. Карэкцыя палітыкі ў сферы аховы здароўя: сістэма дармовай медыцыны, мінімізацыя бюракратыі, забеспячэнне годных зарплат працаўнікам усіх роўняў медустаноў.
8. Дармовы грамадскі транспарт, што фінансуецца з мясцовага, пры патрэбе — з дзяржаўнага — бюджэту.
9. Сацыяльная падтрымка/субсідыі для людзей з нізкім прыбыткам: падаванне ім буйных зніжак ці дармовага забеспячэння базавым наборам тавараў, неабходных для жыцця.
10. Стварыць дзейсныя механізмы абароны свабоды жанчын. Насамперш, у аспекце гвалту. Лічым патрэбным стварэнне аўтаномных жаночых структур ува ўсіх муніцыпальных утварэннях краіны незалежна ад дзяржаўных інстытутаў. Таксама неабходныя жаночыя сілы абароны, якія супрацьдзейничаюць гвалту супраць жанчын. Жаночая аўтаномія і жаночыя падраздзяленні павінны быць створаны і ў структуры рэгулярнага войска. Гендарна матываваны гвалт як з боку акупантаў, гэтак і з боку ўсіх іншых злачынцаў, мае быць спынены!
11. Развіццё экалагічнай свядомасці і адказнасці. Укараненне экалагічных тэхналогій, сувымерных чалавеку і наладжаных пад патрэбы тэрытарыяльных грамад.
12. Усеагульны доступ да сродкаў самаабароны як умова волі і магчымасць абараніцца ад агрэсараў. Спрашчэнне атрымання зброі. Інтэграцыя ўтварэння і развіцця ваенпрама на базе найноўшых тэхналогій. Развіццё адукацыйных праграм, здольных навучыць адмыслоўцаў, якія мацуюць абароназдольнасць краіны. Магчымасць атрымваць вайсковыя навыкі ў шэрагах ТрА, мінімізацыя бюракратыі, пашырэнне прынцыпаў гарызантальнага прыняцця рашэнняў і пераход да нармальнага працоўнага тыдня. Увядзенне сістэмы паўнавартаснага харчавання для веганаў, якія знаходзяцца на вайсковай службе.
Ідэйны тэкст не з’яўляецца канчатковым. Мы гатовыя дапаўняць і карэктаваць яго падчас нашай практычнай дзейнасці.
Тэкст па-украінску, па-руску, па-англійску.
