Java (Spring Boot) proyektini CircleCi ilə Google Kubernetes Engine (GKE)-də yerləşdirmək
Salam, məqaləmə xoş gəlmişsiniz. Bu məqalədə Spring Boot da yazdığımız proyekti davamlı integrasiya (continuous integration-CI) xidməti verən CircleCi ilə GitHub-dan Google Kubernetes Engine (GKE)-ə yerləşdirməyə addım-addım baxacıq.
İlk öncə Spring Boot da yazdığım sadə həm də maraqlı olan nümunə tətbiq haqqında qısaca məlumat verim. Tətbiq günümüzün əsas mövsuzu olan koronavirusla bağlı ölkəmizdəki statistik vəziyyəti 5 dəqiqə intervalla yoxlayır və əgər yenilik varsa bazadakı abonəçilərə email vasitəsiylə göndərir.
Tətbiqin kodlarıyla daha ətraflı GitHub hesabımdan tanış ola bilərsiniz.
İndi isə keçək əsas məsələyə. Əvvəlcə Kubernetes Cluster-imizi yaratmaq üçün GCP-nin konsoluna https://consol.cloud.google.com/ daxil oluruq. Proyekt seçiminə tıklayırıq:
Ad təyin edərək yeni proyekt yaradırıq:
Proyekt yaradıldıqdan sonra “Navigation menu” -> “COMPUTE” -> “Kubernetes Engine”->“Clusters”-ə daxil oluruq:
Bizi bu pəncərə qarşılayacaq:
“Create cluster”-ə tıklayaraq yeni bir “cluster” yaradırıq:
Ad təyin edib digər sazlamaları susmaya görə saxlayırıq. “Create”-ə tıklayırıq. Prosess bir neçə dəqiqə çəkə bilər. “Cluster”-imiz tam hazır olduqda aşağıdakı kimi görünəcək.
Google bizim üçün susmaya görə 3 “node”-dan ibarət bir “cluster” verir. İstəyə görə müxtəlif sazlamalar mümkündür. Bizim nümünə üçün bu kifayət edir. Daha ətraflı məlumat üçün “cluster”-in adına tıklayırıq:
“Cluster”-ə “Cloud Shell”-dən qoşulmaq üçün aşağıdakı əmr kifayət edir:
gcloud container clusters get-credentials <cluster name> — zone us-central1-c — project <project id>
Nəzərə almaq lazımdır ki biz bu “cluster”-ə circleci platformasından mürəciət edəcik bunun üçün bizə GCP-nin icazəsi lazım olacaq. Bunun üçün GCP bizə “Service Account”-lar yaratmaq imkanı verir. Elə isə circleci üçün bir servis hesabı yaradaq. “Navigation menu”-dan “PRODUCTS”-a ordan isə “Service Account”- a daxil oluruq:
“CREATE SERVICE ACCOUNT”-a klikləyib yeni ad təyin edib “Create” deyirik:
Daha sonra bu servisə GCP-nin “Kubernetes Engine” və “Storage”-ini idarə etmək rolları əlavə edirik:
“CONTINUE” -ilə davam edirik. Növbəti hissədə “Create Key”-ə tıklayıb “JSON” seçib “Create”-ə tıklayırıq:
Bu zaman json formatında private key komputerimizə yüklənəcək.
Bu faylın məzmunu bizə circleci da lazım olacaq.
GitHub-a push elədiyimiz zaman pipeline-ın başlaması üçün proyektin qovluğunda .circleci qovluğu olmalıdır. Bu qovluğun da içində CircleCi-ın config.yml faylı olmalıdır. Bu fayl əsasında pipeline icra olunur. Pipeline-ımız 2 mərhələ (“job”)-dan ibarətdir:
- build- Maven dependency -lərinin yüklənməsi və test-lərin çalışdırılması yerinə yetirilir.
- deploy- Tətbiqin qovluğunda olan Dockerfile-ı əsasında docker image-i hazırlayır və GCP-nin “Container Registry”-ə push edir. Daha sonra isə k8s.yml faylı əsasında kubernetes deployment-ini hazırlayıb cluster-imizə tətbiq edir.
İndi isə keçək circleci -ya. https://circleci.com/ -a daxil oluruq. Sol tərəfdən “ADD PROJECTS-i seçirik. Daha sonra bizim github hesabımızdakı proyektlərin siyahısı gələcək.
Bizim nümunə proyekt covid19-notifier-dir. “Set Up Project” -> “Start Building” -> “Add Manual” -> “Start Building” seçirik. Bu zaman “Pipeline”-ımız başlayır config.yml faylında qeyd olunan addımlar icra olunur. Build uğurla tamamlansa da Deploy -da xəta baş verir:
Səbəb aydındır GCLOUD_SERVİCE_KEY dəyişəninin dəyəri boşdur. Bu dəyişənə dəyər təyin etmək üçün “Project Settings” -> “Environment Variables” -ə daxil oluruq:
“Value” xanasına “Service Account”-un private key-i daxil edib “Add Environment Variable”-a tıklayırıq. Daha sonra “pipeline”-ı yenidən başladırıq.
Pipeline uğurla tamamlandı. Artıq tətbiqimiz kubernetes -ə yerləşdirilib.
“Pod”-lar, “load balancer”-imiz hazırdır. Yeni bir email abonə edək:
Daha sonra pod-un loglarına baxsaq:
Tətbiqimiz uğurla Google Kubernetes Engine-də çalışır. Qeyd edim ki bu tətbiqdə baza olaraq PostgreSQL -dən istifadə olunub hansı ki GCP-də çalışır. O haqda olan məqaləmi burdan oxuya bilərsiniz. Faydalı olması ümidi ilə növbəti məqalələr üçün izləmədə qalın :)
