粵語詞彙每日睇 — 紹介

本人維基地址：https://cantonian.miraheze.org/
粵語詞彙每日睇列表地址：https://cantonian.miraheze.org/wiki/JyutVocab
第一日嘅詞彙：名詞「片」
第二日嘅詞彙：「雪櫃」相關
TG版：https://t.me/cantonvocab

而家由於中國嘅影響，粵語變得越來無粵味，反而係充滿撈言撈語。咁唔係話粵語唔可以用撈言撈語，但係本身有嘅詞，點解係都要去改用呢啲撈言撈語。咩野「冰箱」「視頻」「小鮮肉」，我諗大家都聽夠啦。接下來每日我都會po文，紹介各種唔同嘅詞彙。咁下邊呢係可以Skip嘅部分，呢啲係以後會用到嘅學術性名詞。

現在因爲中國的巨大影響，粵語變得越來越不粵語，反而是充滿着撈言撈語（指國語/官話）。我並不是在說粵語不可以使用撈言撈語，但是爲什麼本身粵語就有的詞，還要去使用那些撈言撈語呢。我相信什麼「冰箱」「視頻」「小鮮肉」之類的大家都聽夠了。接下來我每天都會po一篇文章，介紹各種不同的詞彙。以下是一些可看不可看的部份，是接下來的文章將會使用到的學術性名詞。

說明

下面會解說下要明白嘅概念，如果有咩唔明可以Discuss。

外國相關概念說明

「外國文」

詞語來自外國就係「外國文」，亦可以叫做「外來語」。 例如：「Size（Saai1 Si2）」、「Gag（Gek1）」、「士多（Store）」。

「音譯」

呢個詞語係直接抄外國嘅音嘅。例如：「梳化（So1 Faa3–2, Sofa）」、「咭（Card, Kaat1）」、「燕梳（Insurance, Jin3 So1）」。

「意譯」

呢個詞語係跟住原有嘅意思再用自己嘅語言去表達。例如：「片（Video Pin3–2）」、「電掣（Electrical switch, din6 zai3」、「乾電（Direct Current, Gon1 Din6）」。

「音意譯」

呢個詞語考慮到音同意嘅情況下再翻譯。例如：「俱樂部（Club，クラブ）」、「混凝土（Concrete、コンクリート）」、「浪漫（Romantic、ロマン）」。

「直接傳入」

「粵製漢語」

係粵語，粵人自己製漢語。粵製粵語呢個詞本身都係出自「和製漢語」。一般係根據漢語、古漢語爲基底，加上一啲粵語固有嘅用法、文法所影響嘅造語。通常用於翻譯來自西歐嘅新野，或者講係粵語以前無嘅新概念，有時候亦會借用舊嘅漢語（古語）再造新意。例如：「雪櫃（Refrigerator, Syt3 Gwai6）」、「火牛（Transformer, Fo2 Ngau4）」、「分火喉（Power strip with converter，Fan1 Fo2 Haau4）」

一般係一啲日常生活相關嘅詞語，亦會有部分專業用語。

「英文」

由於英國對香港嘅殖民統治，粵語受到英語好大嘅影響。例如：「Fans」、「蒲飛（Buffet, Pou4–6 Fei1）」、「Friend」。

「葡文」

由於葡國對澳門嘅殖民統治，粵語受到葡文少少影響。例如：「馬介休（Bacalhau, Maa5 Gaai3 Jau1)」。

「漢字文化圈傳入」

「和製漢語」

係日本人製嘅漢語，幾乎漢字文化圈之中所有嘅語言都有大量嘅「和製漢語」。日本人同樣係以漢語爲基底，亦參考咗近代撈語嘅語彙文法， 但係同粵語一樣，會受到日本固有嘅語彙、語法、文法影響，同「粵製漢語」一樣，通常用來翻譯西歐由來嘅新野，新概念，有時候亦會借用舊有嘅漢語（古語）再造新意。例如：「電話（でんわ）」、「共和（きょうわ）」、「人民（じんみん）」。

一般係一啲比較複雜嘅概念，亦有啲係日常生活相關嘅詞語。

「中製漢語」

係中國人製嘅漢語，同「和製漢語」理念相同。例如「视频（Video, shì pín）」、「音频（Audio, yīn pín）、「五毛（NMSLese）」。

一般一啲日常生活相關嘅詞語，同埋撈國特有嘅概念，物品。

「古代/近代漢語」

古代、近代經已傳入嘅漢語，由於和製漢語嘅大量存在，難以確切統計。

例如：「民人」、「經已」。。。

「臺製漢語」

係臺灣人製作嘅漢語，同「和製漢語」理念相同。例如「影片（Video, ㄧㄥˇ ㄆㄧㄢˋ）」、「滑鼠（Computer Mouse, ㄏㄨㄚˊ ㄕㄨˇ）」、「硬碟（Hard Drive, ㄧㄥˋ ㄉㄧㄝˊ）」。

一般科技上嘅野，都係來自臺灣。

粵語相關

「百越底」

呢個詞語粵語本來就有嘅，即係粵語俾大幅度漢化前保留落來嘅詞語。有條件會寫低來源

例如「諗（nam2）」、「𡲢（Poo, Ke1)」、「奀（Ngan1）」。

「粵製漢語」

係粵語，粵人自己製漢語。粵製粵語呢個詞本身都係出自「和製漢語」。呢部分嘅粵製漢語係因爲時代嘅發展下，所需要表達嘅概念變多咗，以造出嘅新詞語，好多時候都係喺舊詞出新意。例如「攬炒（Laam5 Chaau2）」、「漏（Lau6）」、「平（白讀，Peng4 *有可能係「便」嘅異讀）」。

「漢字表記」

雖然呢個字唔係漢語，但係可以用漢字寫出來。

「造字」

本來無呢隻漢字，硬係造隻字出來表音，通常都有個「口」字旁係隔籬。「𡲢（Ke1)」、「閪（Hai1）」。「啲（Di1、Dit1、Dik1）」。

「借音」

借用本來就有嘅漢字，表達呢個粵文嘅音。例如「騎咧（ke4 le4，漢語「奇離」寫錯）」、「撚（nan2、因白讀同一粗口字同音俾借用）」。

「借意」

借用本來就有嘅漢字，表達呢個粵文嘅意。例如「諗（nam2 ）」、「屄（hai1，同表示）」。

「避諱特殊表記」

因爲係比較粗俗嘅詞語，所以借用咗近音同音漢字，表達意思。例如「蟹（hai1 => haai5）」，「膠（gau1 => gaau1）」。

「羅馬表記」

用拉丁字母表記。

例如：D（di1），

「避諱特殊表記」

因爲係比較粗俗嘅詞語或者方便打字/寫字，借用拉丁文字來去表達意思。例如「pk（puk1 gaai1）」。

其他

「混種語」

即係呢個詞語並非單純來自一個語言。

例如粵語同漢語混合，「雞乸 Gai1 Naa5）」，「雞」係從漢語來嘅，「乸」係百粵底。

「存疑」

表中會有詳細說明。

指呢個詞語嘅來源仲唔繫好清楚，例如「我地」嘅「地」，「舐嘢」嘅「舐」（一般寫「奶」）「歪」嘅白讀。

「誤字」

例如「頑」嘅「白讀」，waan4，被誤認爲係「玩」嘅白讀。

「撈化」

呢個詞語粵語本來就有，或者用咗好長時間，因爲撈語強勢入侵導致撈語取代咗，尤其指中國來嘅撈語，有啲人甚至會直接用撈語發音。