人生唔同時期都會遇到很多不同的人,由中學同學、大學同學、同事、有同樣興趣的朋友。只要係社會上生存,都一定會有人際關係。
唔知大家有冇試過,有一啲人可能認識咗好長時間,可能係學生時期大家嘅志向都未太確定,因為每日返學都會見面,會好多時間相處。無好大嘅分歧都好容易打成一片。
但係到頭來原來只係因為咁啱每日都見、咁啱要有個同伴。所以先一齊玩。
上一篇文章講過,我習慣自己解決問題而唔會搵人幫,覺得咁樣做唔會為其他人帶來麻煩,而且會更容易吸引到朋友。表面上我唔會講出聲去主動識人,除咗係害怕俾人拒絕之外,更加唔想強求一啲刻意一齊,大家唔係心靈相通嘅關係。因為無主動表態,就算係見到啲唔錯嘅人,我都係等人地主動去開口。結果發現就咁就無咗好多識到可能係志同道合嘅朋友機會,因為錯過咗嗰一次見面,就算自己對對方有好感,而對方都覺得你唔錯,但係又未吸引到主動開口嘅程度。咁就未必再有機會見到。計落計落錯過咗好多機會。