2015 оноос анх блог хэлбэрээр эхэлсэн бидний Sustainable Mongol подкаст төсөл нь дараах зорилгуудтай. i) байгаль орчин, тогтвортой хөгжлийн талаар мэдээллийг олон нийтэд ойлгомжтой, сонирхолтой байдлаар түгээх замаар байгаль орчны асуудлуудыг чухалд авч үздэггүй тогтсон хандлагыг өөрчлөх, ii) байгаль орчны асуудлуудын талаар зөв ойлголттой болох, өөрсдийгөө болон бусдыг эрсдлүүдээс хамгаалах арга замуудыг мэдэх, байгаль орчны тулгамдсан бэрхшээлүүдийг шийдвэрлэхэд өөрийн зүгээс хувь нэмрээ оруулж чаддаг болоход нь иргэдэд туслах, iii) байгаль орчинд ээлтэй санаачилга, үйл ажиллагаа, судалгаа шинжилгээ, бизнес, төсөл хөтөлбөр хэрэгжүүлж буй иргэн, аж ахуй нэгж, байгууллагын талаар олонд мэдээлэх, iv) байгаль орчин, тогтвортой хөгжлийн чиглэлд мэдээлэлд суурилсан шийдвэр гаргах үйл явцыг дэмжихэд мэргэжилтэн, судлаачид, байгууллагууд, хувь хүмүүстэй хамтран ажиллах, v) НҮБ-с 2015 онд баталсан Даян Дэлхийн тогтвортой хөгжлийн зорилгуудын (Sustainable Development Goals- Global Goals) биелэлтийг Монгол улсад хангахад дэмжлэг үзүүлэх, сайн туршлагуудыг судлан түгээх, v) иргэдийн сэтгүүл зүйн платформыг байгаль орчны салбарт хөгжүүлэх, сайн туршлагыг судлан түгээх