講開one piece我都棄咗咁耐,佢點改我都無咩意見。因為比起劇情發展,套漫畫早就浮現咗一個更大嘅問題。
其實當初決定棄係大約「鳥籠」果陣,當時已經發覺到佢畫風同角色發展都好亂。上半部(我以艾斯死為分界線啦)幾經辛苦建立鮮明嘅骨幹船員人設,去到下半部已經變得用唔著,好似求其喺個海度撈個人上嚟都重要過班主角。我明當時作者係想做到百花齊放咁,但睇多幾話已經感覺到套嘢已經無咗焦點,你唔會get到每一集漫畫嘅焦點係乜。