我見好多Liker整左個ID都一定要寫番篇文，我當然唔執輸。
睇左九萬幾篇文章，又介紹咩係LikeCoin，點樣申請，點解要Join...甚至連白皮書都唔放過之後，我終於整左個ID試一下。
我決定用未來嘅一段時間做比較，睇下我應該將US$5.00投資落去Medium Member定係LikeCoin Civic Liker(當然，Why not both?)。
到底我應該點樣㨂去比個五蚊(美金)呢？
一睇就知呢條係一條比較題，比較一下兩者嘅分別(五分題)：
Medium Membership
- 五蚊美金/月，亦有五十蚊美金/年嘅優惠
- 最重要嘅，可以無限咁睇付費文章(對我黎講最需要嘅一樣野，亦都可以話係Membership主要嘅價值)
- 拍手唔再只係啪啪啪(提高文章曝光率)，你比個五蚊會因應你嘅拍手而比作者收入(佢係話會將五蚊分比你拍過手嘅作者)
- 你個Icon會有個綠色圈(唔好笑，我一直都唔知係咩，直到最近先知)
Civic Liker
- 一樣都係五蚊美金/月
- 一樣都係將個五蚊比番你支持嘅作者，但有啲唔同，全程你都係可以查到去向嘅，你嘅每一個拍手，每一分一毫都可以知道比左邊個，而且所有錢都會係回饋比作者(我唔知點解會諗到打賞...)
- 參與決策同公投，呢樣野係Blockchain嘅特性，以Token去扮演Ballot嘅角色進行公投，相信到時Civic Liker會有較大權重(多啲票咁)
- 有優惠！不過我都未知有咩優惠，我估應該類似端傳媒咁？
- 線下活動早前Foundation搞左個「網媒的未來：免費和訂閱制以外的第三條路」，相信未來會有更多嘅活動
- 你個Icon會有個綠圈，仲會寫住Civic Liker
睇到呢度，唔知你會唔會問：
點為止「權重」較高呢？
我搵左篇報導「與高重建談 LikeCoin — 媒體群創不再空洞 創意共享新生態」 ，𥚃面嘅一句寫到LikeCoin嘅睇法：
越受歡迎越多人使用的創作，定義為好。
簡單黎講，愈多人Like，代表個件作品愈好，愈多曝光率。而每一個Liker將啲LikeCoin比個位作者，都代表對作者投下信任嘅一票，認為佢件作品係好嘅，而Civic Liker就會係呢一方面有更大嘅話語權，佢嘅一個Coin，會比普通Liker嘅一個Coin更為重要。
而錢銀方面，普通Liker比嘅Coin都會出自基金會嘅池(pool)，姐係可能係我地去Exchange買番黎，或者挖礦咁，但如果係Civic Liker就會有埋佢地個五蚊(掂啦！)，所以錢都多左，自然作者都有得賺多啲啦！
如果都係想了解多啲嘅話，可以睇一下白皮書(如果你鐘意計數睇算式嘅話)。
然後關於like.co嘅網頁...
我認為係因為個網頁實在有好多效果...靚就真係好靚，但一來都幾食電之餘，都會令到啲Formatting好易出事，不過執執佢就冇事嫁啦。
我都幾鐘意Liker.Land嘅介面嫁，不過分開兩個網頁就令到我要跳黎跳去，當我寫呢篇文嘅時候lol。
最後，唔寫咁長啦，睇番啲Stats都知你地唔鐘意睇長文，有咩留番下次再寫。
Yeah！我有LikeCoin Button啦！
不過我都好歡迎用啲「傳統」方式：
如果覺得我寫嘅野好啱你睇，想比啲動(財)力支持一下我，可以捐助下:)
Bitcoin: 3PXz5N7Ld7uYtJUnPxenvdDeAZDhXVyqWm
Ethereum: 0x5061538b90c08eb68cd4a098dea902b69943d8a7
