[TL;DR]
我唔明點解會有人係噉催我出文。唔知有咩好出，倒不如翻箱倒籠，摷返篇閒置咗十世嘅稿，執執佢交差啦。於是你會睇到以下呢篇結合咗2021年年結嘅雜感。
世事冇得唔變。情懷、感懷，只係自己懷住情感、念頭啫，人事物故又豈可盡在掌握之中，任你安抱入懷，縈繞心頭吖？呢幾日腦入面應該會彈呢句歌詞出嚟：「最後已事過境遷，長街風景已變。」出自舊底錄新出嘅《四季》。
疾風寒徹骨，勁草透梅香。消受一時冷，修來況味長。
去年為祝福長輩早日康復而作，其後覺得適合自勉…
