幾個月無寫嘢,本來諗住喺draft度拎返篇寫到一半嘅「黃色飲食雜記part 2」出嚟寫埋佢,點知今日(24/7/2020)晏晝政府就公佈禁令,星期三起全日禁止堂食。話就話一個禮拜,睇佢個款都知一定會延長,篇文出嚟都好似無乜意思,事關有啲嘢係堂食至好食㗎嘛……
所謂「念念不忘」,形容的大概就是香港。問…
武漢肺炎搞到全城人心惶惶,個個一日到黑唔係撲口罩就係搶搓手液、漂白水,無乜人有心機消費。出街食飯要除口罩,仲要有個家族打邊爐一鑊熟嘅先例,令人更加唔敢聚餐,搞到食肆生意淡薄,連懲罰黃店嘅力度都大降。
自己喺屋企煮係安全係健康,但日日煮好很攰同好很悶囉,心理健康都要照顧㗎,所以揀間安全啲嘅食肆就好重要喇。呢個時勢,黃色飲食圈就係最令人安心食飯嘅地方。