(奉塔巴Ellan Ou旨意寫咗呢篇文負荊請罪)
茶記。
「喂雞精強,你仲未掉隻吹氣Mary呀?」肥佬明笑笑口撚鳩坐喺對面嘅中坑。
我係一個普通中坑,住喺唔大唔細嘅私樓,叫做養得起自己同個老婆,本來就幾滿足嘅,不過老母同佢關係太差,拎我嚟做磨心,就真係唔過癮喇。
事緣有一日我同老婆仲有老母去shopping。
「仔呀,你咁樣比個老婆騎住唔得架喎。有咩理由老公幫老婆拎野架。」老母見到我幫老婆拎野,居然當住大家面咁講。
我老母手裡面拎住一大揪野。喇唔係我唔幫手呀,係佢不嬲都話要自己拎咋。可能我老豆死得早,佢慣咗做「獨立自強女性」掛?
.
有位劍士,擊敗咗各方高手,成為天下第一。
某一日,有班官兵嚟捉佢。
一個官兵搶先衝過嚟,一劍兜頭斬落劍士度。劍士將手中寶劍高舉過頂,準備卸走勁力再圖反擊。
點知「框」一聲,把劍一分為二。
「陳生,你嘅快樂指數已經跌到二十以下,如果無改善跡象,你可能要去治療中心接受療程。」陳志一一聽完坐喺對面嘅女人嘅說話,莫名焦躁,眼神開始失焦,飄流到牆上嘅全息投影新聞上面。
新聞依然係重覆上一個禮拜已經講緊嘅「大事」:國民快樂總值跌至五十年新低,教育部部長認為國民唔識感恩,怨天尤人,應該加強教育,同時歡迎相關部門嚴正處理自暴自棄、唔努力改善生活、任由快樂指數下跌、無視國民義務嘅人......
庭園裡面,遍地屍骸。
汗臭、血腥味,刺激住在場每個人嘅鼻腔,令人作嘔。
粗重嘅呼吸聲,喺空氣之中迴蕩。
幾百個士兵望住面前堆積如山嘅屍體,裹足不前。佢地嘅恐懼係出於本能———呢啲屍體無耐之前仲係佢地嘅同袍,轉眼間,已經成為敵人嘅刀下亡魂。
三年後。
天賦異稟嘅文鴦,經常同佢兄長切磋,加上偶得父親指導,武藝一日千里。今日文鴦難得同父親比試,大哥文鴛、細佬文虎在旁觀戰。
文鴦嘅父親,名為文欽,時任廬江太守,深得當朝大將軍———曹爽嘅寵信。佢係一員猛將,武藝雖非絕頂,亦絕對係出眾,而且身材魁梧、孔武有力。
兩人各執一枝長棍。文鴦大得好快,三年前,將長棍垂直棟喺地下,佢摸唔到棍頭;如今已經摸得到。可能係遺傳咗父親嘅特點,佢身上都開始出現明顯嘅肌肉條線,唔再係細路仔身形。
「仲未肯講野呀?」
「係呀。」
「兩日無食野喇喎。」
「比啲時間鴦哥哥啦。」
攤喺床上面嘅文鴦,眼神空洞,默默聽住門外嘅對話。
……文鴦錯手殺死文鴛、手刃華姐姐之後,就將自己困喺房裡面,唔見任何人。擺喺門外嘅飯菜都無郁過。文鴦望住天花,不斷回想起當日情景:
曹爽離開洛陽之後,司馬懿按照計劃,憑太后詔書、三千死士,以及其他反對曹爽嘅重臣支持,成功控制咗禁軍。
司馬懿軟硬兼施,一邊奉詔罷免曹爽,威逼佢交出兵權;一邊派人好言相勸,對曹爽話太傅(司馬懿)並唔係要對付佢云云,勸降嘅人仲指住洛水發誓,保證只要佢交出兵權,絕對唔會做出其他不利曹家嘅事。
唔少隨行嘅曹家親信都警告曹爽唔可以投降,應該集結地方兵力與之一戰。
These were the top 10 stories published by 故仔、詞作 in 2020. You can also dive into monthly archives for 2020 by using the calendar at the top of this page.