「這是我的非凡人生嗎？」

踏入 2019 年，香港率先有兩位風雲人物彈出。一個叫陳詠謙 (剛好係標題出處、鄭融《非凡人生》嘅作詞人) ，另一個叫麥浚龍。一個因為填咗好多詞，當中有啲作品寫法奇奇怪怪 (有啲直接啲嘅講法係狗屁不通，或者簡單三個字「垃撚圾」)…

「無人可擋我路」

你試過幾多次，為咗一個問題，喺一晚之內徵詢咗不下十個人嘅意見？

置記人生中，印象中要咁樣發散英雄帖，朋友、同事、舊同學、網友⋯⋯幾乎會呼吸又有少少知識嘅都諮詢一下，真係冇幾多次。無他，我慣咗獨行獨斷，冇咩事都唔打搞人，免得問咗人意見又…

「原地在轉，轉不出快樂仍在轉」

如果要講 2019 年嘅世界同 1969 年嘅世界有咩唔同，我諗至少有兩樣嘢係明顯嘅：以前好多人都會話「初戀情人就係我老公」，正如當年好多人都係喺同一間公司入面工作，由入行到退休。而家？冇太多後生仔女冇「Ex」，要喺一間公司入面搵到個 “One…

「冇咁大個頭，戴咁大頂帽？」

「升職加薪」，應該係每一個打工仔嘅夢想。或者至少，農曆新年拜年嗰陣，你同班打工仔講呢句祝賀說話應該包冇死。問題係，個個都返工，唔通個個都想紮職咩？

「輪流轉，幾多重轉？」

上次講開轉工，喺公司內部轉職都係轉工。如果你喺公司入面輾轉做過幾個部門，個人又唔係太乞兒太仆街，可能都已經相識滿天下。按照你嘅喜好，可能都有一啲年紀相近、又傾得投契嘅同道中人。如果你個人再八卦少少，有少少恆心去追蹤呢啲同道中人各奔前程之後嘅動向，綜合而成已經可以係一個幾有趣嘅…

佛系管治，弗係管治

以前讀中文科，係要讀文言文、同「之乎者也」做下朋友仔嘅。如果大家有呢個集體回憶嘅話，咁要正確理解呢篇嘅主題就唔困難。弗者，不也。唔係你可能或者大概有聯想過嘅 F 字頭英文。我講緊 Fact 咋，你諗咗去邊？

「償還過，才如願」

日前，我接咗個電話，係來自一位大學校友嘅。我都唔知佢喺邊舊石頭爆出嚟，淨係知道佢透過 LinkedIn 啲咩 “Career Advice” 嘅專頁度搵到我個 profile ，然後覺得可以問下我意見咁。

「尚有些仗，全力亦打不上」

各位搵工嗰陣，有冇認真刨過啲 JD (唔係京東商城，係 job descriptions)？除咗請人嗰間公司個名、部門、銜頭同埋頭嗰一兩項主要職責，我諗冇咩人認真掃到落底睇埋崗位對應徵者有咩要求。

喺 “Requirements” 一欄，通常都有十項八項，針對學歷、相關工作經驗嘅年資通常佔據頭幾行，然後都係一啲個人特質，例如話領導才能呀、數理分析能力呀，之類。擺底嘅，有時係呢句： “Can-Do Spirit” 。

「有天才，為何我們卻是無後半？」

如果你聽過一篇文章叫《傷仲永》的話，恭喜你，你同置記應該係同一個年代讀書嘅。如果你未聽過嘅話，我真係恭喜你呀，你大把青春丫嘛。同埋，我都唔介意講你聽，《傷仲永》呢個故事，係一個天才橫溢嘅小朋友，喺缺乏後天栽培之下，才華逐漸消耗怠盡，最終與凡人無異。

咁今時今日，大家都唔會話冇書讀嘅，唔讀到上 Master Degree ，都起碼大學畢業或者有張沙紙啦。不過，即使你 GPA 爆 4 ，即使你又 Dean’s List 又 First Hon 畢業，往後仕途是否一帆風帆，始終都係未知之數。