擴闊對粵語填詞嘅想像

睇到題目，各位可能會諗：吓？噏乜呀？不嬲都有粵語流行曲㗎啦。之不過，諗深一層，一直以嚟，我哋大多數嘅廣東歌，都只係粵音合樂入文，行文依循官話白話文詞彙同語法，最多間中夾雜下啲粵語詞彙呀噉，並非名符其實嘅粵語流行曲。借用HUMA2031 — The Cantonese Language姚玉敏教授嘅例子，即係《愛得比你深》（張學友嘅歌）而唔係《愛得深過你》。

曾幾何時，粵語白話合樂填詞（合樂即係啱音，所以齋rap唔計，唔好話區區做乜唔提LMF），喺主流樂壇都幾活躍下㗎。許冠傑、黎彼得呢對黃金拍檔大大話話寫咗唔少經典名曲，渾然天成；嗰陣時都有徐小明《青春痘》等曲，再唔…

【短炒】粵文同粵白嘅分別

粵文同粵白嘅分別，查實本人同好多朋友都喺Facebook講過下。只係啱先暢遊Medium，撳入去「粵文」hashtag之後，睇到某啲文有種賣羊頭掛狗肉嘅感覺，忍唔住唚氣短炒一篇啫。

對話用粵語寫出嚟，稱為「粵白」。同口供逐字稿、劇本對白同類，都係以書面忠實記錄口語。粵白之所以係粵白而非粵文，係因為佢僅止於對話，通篇敘述依然都係官話白話文，亦即係今時今日至少喺書面上畀佢所壟斷又好、代表又好嘅「中文」。

Manju gisun──為滿語破謬並哀

前言

呢篇短文，我用筆名「傑恂」投稿去科大編委，其時係由不才下莊嘅下莊揸莊，跟住喺《振翅23.4》發表。熟悉我嘅朋友，都知我最鍾意換筆名，十九幾個都唔止，「橫越界限，一身充滿電鰻」──eh……「一生充滿變幻」至係。你哋咁多位聰明過我咁多，我相信你哋望下題目，再望下筆名，就知道我係點諗個筆名出嚟，反正同意譯差十萬八千里。

呢篇文，我敢保證，全科大只有我一個先寫得出。我冇牙擦：要資料唔難，我好多嘢都冇講添，例如官話捲舌音嘅傳入（傳入滿文後嘅拉丁寫法，唔多記得，有啲係 z, s…

粵語未來唔只十一年：記歐陽偉豪博士講座兼答粵文併以淺白文言之倡議

篇文嚟緊概括返4/11星期五科大LTB舉行嘅「粵語未來嘅十一年」講座之餘，亦會延伸去講座期間及期後合影交流提過嘅種種題目，再額外加料回應下近日文雅粵文嘅倡議。垃圾自引用都幾多下。

講講座以外嘅嘢，係因為Ben Sir講嘅並唔係新鮮嘢──我睇過佢兩本書，幾年前喺科大圖書館聽過佢講座，仲要係Facebook friend，好難再有啲新奇有趣嘅主意同例子㗎喇噃。即使係咁，真人聲演返status，確係有新生趣嘅，係好玩嘅，係好笑嘅，係頂癮嘅。

「早期粵語研究」講座

香港歷史博物館，下晝三點開始。

開頭

試答出入上落之分野：淺論語境及概念隱喻

（冇咁趕客嘅話先轉地球，雖然都冇乜分別。LOL）

語用學個案分析（好似係）：學界公投提委議案

學界公投一連三日舉行，今日27/2係最後一日。公投有兩項關乎特首選舉之議案（中英文皆引自mass mail）：

一、由2017年起，香港特別行政區行政長官選舉的「提名委員會」須由一人一票而票值均等的選舉產生。(From 2017 onwards, members of the nomination committee responsible for the HKSAR Chief Executive Election shall be elected according to the principle of “one…