「為何才十八歲要計較八十幾歲回望」

Juno 麥浚龍喺 2018 年同謝安琪再次合作，以一對戀人喺人生唔同階段唱出唔同嘅心聲。謝安琪嘅《人妻的偽術》算係打響頭炮，但係麥浚龍嘅《勇悍．17》先至係呢個始於 1986 年嘅故事嘅開端。

山竹雜談

你試過喺陸上、喺樓宇入面暈船浪嘅滋味嗎？ 2018 年 9 月 16 日，超強颱風「山竹」吹襲香港，令身處摩天大廈、卅幾樓嘅我有種不停搖晃嘅感覺。老實講，嗰下我真係驚時速超過 160 公里嘅颶風會吹冧層樓。

將山竹講成香港近 60 年來威力最強勁嘅颱風並唔過份。 2017 年嘅天鴿勁咩？山竹啲風更猛烈、水浸更嚴重。電視訪問大澳居民點樣準備防風措施，佢哋話汲取咗天鴿襲港嘅經驗，會加設水閘──事實證明，水位可以高處未算高，學費，交完可以再交。