「何以，這新股，冇得抽？」
香港股市喺 2019 年年尾開始，出現一浪接一浪嘅新股上市熱潮。阿里巴巴在港第二上市都只係頭炮，跟住幾隻醫藥股、物業管理股招股都錄得過百倍超額認購，而最近嘅赤子城科技及九毛九更分別超購 1,440 倍及 636倍，要分別認購 300 手及 80 手先至可以穩中一手。
如此盛況，可算係 2018 年春天以來嘅首次。當時網媒 100 毛以「毛記葵涌」之名上市，超額認購 6,288 倍，要認購 1,000 手先可以穩中一手，而股價首日亦飆升四倍，成為一時佳話。點解得一時？因為兩年後毛記葵涌已經跌穿招股價，股價唔見咗三分之一。
