寫依條題目我嘗試過搵「有禮貌嘅距離感」應該點稱呼，會唔會已經有人寫過類似嘅嘢。因為我覺得依個概念都幾重要。應該一早有人提起過。點知搵到嘅只有形容生人勿近，有個氣勢令人難以靠近嘅「距離感」。完全唔係我想討論嘅話題。咁唯有我起個貼切嘅題 — 「有分寸距離嘅邊界感」。
好多時同唔同人相處都會遇到啲毫不客氣嘅人，當你同對方傾偈，講返一啲你自己做過嘅事，同對方分享，係我角度我已經完成，而且覺得自己做得好好。已經解釋埋點解覺得滿足。
話說最近聯絡一個好耐無見嘅朋友，係少數我仲未開始用medium寫文章嘅時候已經睇過我寫故事（就幾篇，唔係大作）嘅朋友，當時我仲未確定自己係咪鍾意寫文，或者係無諗過會好似依家咁，不斷寫文分享。因為當時覺得寫文分享太過怕醜，好似無着衫、赤裸咁出街比人睇，自己知識缺乏或者對於事情嘅偏見都會表露無遺。
但係有次用slowly…
