終於睇完《公司冇逼我跑馬拉松》,好耐無試過睇電視睇到眼濕濕。節目入面好多練習都喺沙田同大埔,勾起好多回憶。特別係沙田運動場,由細到大都喺嗰度跑步,好似有一兩年中學陸運會都喺個度搞。都有一段時間無去,不過睇落都無咩變。
前排有日一早起身,見到窗出面全部都係雪,成個人呆咗。雖然一路都幾凍,都無諗過一落雪就落咁多。靚係靚,但係都剷咗好耐雪先出到街。諗起之前有啲嚟咗無耐嘅人話呢個城市唔係太凍,最凍都係兩三度。好多時聽人講都未必可信,好多嘢親身經歷過先會知。
時間總係唔經唔覺咁過去,已經好耐無寫過近況。之前以為新嘅地方生活會慢好多,仲諗緊好啊慢活我不嬲都唔介意,點知個步伐都唔係想像中咁慢。
1. 喺諗點去做一件事之前,先搞清楚係咪應該做。2. 因為人生無 controlled experiment,所以唔會知道決定「啱唔啱」。3. 每個人情況唔同,應該做嘅嘢都唔同。最緊要知道自己做緊咩。4. 無需要嘅嘢,就算平都唔應該買。5. 即場反駁多數都唔係最好嘅回應。6…
星期六上完 body combat 班,又攰又肚餓。諗住去之前去過一間幾好食嘅西班牙餐廳,點知原來無開。行過隔離街見到間成間綠色好有文青風嘅 cafe,就諗住入去試下。一入到去見到差唔多坐滿人,成大幅綠色嘅牆係手繪嘅社區街道圖,幾有心思。食客都同職員好好傾,成個氣氛好舒服。
人愈大愈覺得時間嘅流動好奇妙。有啲嘢明明發生咗好多年,但係仲係記得好清楚。另外一啲嘢只係兩三年前,已經覺得好遙遠。唔知道《勿念》嗰句「我怕回憶稀薄」,係咪講緊呢個情況?
科技發展令好多嘢都更方便。以前寄信要好多日,宜家無論喺地球邊個角落,WhatsApp 即刻就收到(無死機嘅話)。交通網絡四通八達,去邊度都快咗好多。但係,多數人都無因為咁多咗時間。相反,要做嘅嘢總係做唔完,想睇嘅新聞同劇集睇極睇唔哂。科技到底係幫人慳咗時間,定係令人更加忙呢?
當生活無咩變化嘅時候無嘢好寫,但生活突然大變,又會 overwhelmed 到唔知點寫好。
人嘅大腦有時都幾奇妙。明明只係一個好耐之前聽過嘅故事,唔知點解呢排又會成日諗番起。
買櫝還珠嘅故事我應該係細個係學校學過。(唔知宜家中小學仲有無教?)講一個人去另一個國家賣珍珠,用好靚嘅木整咗一個裝珍珠嘅盒,薰到好香,仲有好多裝飾。結果買家買咗…
記憶中,好似從來無試過咁投入一次奧運會,睇左咁多比賽。唔知係因為之前奧運會有時差,定係無訂收費台睇唔到呢。