星期五,正當置記筋竭力疲準備收工之際,碌碌下 Facebook ,發現好多人忽然之間對香港金融管理局 (HKMA ,簡稱「金管局」) 喺本週一 (2019 年 8 月 26 日) 嘅一篇通告好有興趣,題為《金管局流動資金安排架構》。
當香港嘅「反送中」浪潮仍未平息,其他民生及經濟項目都唔會得到太大嘅關注。但係地球仍然圍住太陽公轉,一啲促進中港融合嘅措施,亦唔會因為香港人嘅示威、抗議而停落嚟。