Ibanag Children’s Rhymes

Anni i maraddamman nu nga children’s rhymes gari? Ammungan nu nge yaw, wawwagi.

• Ifan kulifaffang,
  Nappattu ta dammang.
  Nappattu ta dappi,
  Pinaguguruan na lasi.
• Ananoy Banoy,
  Mataki si Kengkoy.
  Mariga i magana,
  Mangina i bagga.
• Saraput, Ingga lattut.
  Dos balangak, Inggu bangngak.
• Max Alvarado,
  Nabbalin tu bandido,
  Minay naki-gerra,
  Nefultuk i takki na,
  Ne-shoot ta kahon,
  Kinnan na Hapon.
• Poppoppo, alipoppo,
  Makaggak nu mazzibbo.
  Makkala-kalay ta ato na balay,
  Ta magalek ta maginganay.
  (nebillay ni Ms. Raisa Darauay na Tuguegarao)
• Ariam-mu ilabbe,
  Ta balay nga gurusame.
  Kappasiran paga laman,
  Ta makagi katugangan.
  (neammung ni Ms. Jennyrose Hilario na San Pablo)
• Minay nga ta bale nu,
  Serradu i pwerta nu.
  Kinagi na mammanu,
  Tu minay ka nazzigu.
  (neammung ni Ms. Jennyrose Hilario na San Pablo)
• Abbattak-ku nu dalaya,
  Si Nene egga ta bolsa’.
  Pazzikak-ku la pazzikang,
  “Ananay!” kunna niakan.
  (neammung ni Ms. Jennyrose Hilario na San Pablo)
• Egga abbing ta bolsa’,
  Abbattak-ku nu dalaya.
  Pazzitak-ku nga pazzitan,
  “Ananoy!” kunna niakan.
  (nebillay ni Mr. Dominick Mario Soriano na Solana)
• Egga abbing ta bolsa’,
  Inabbo ku tu dalaya.
  Pigitak-ku la pigitan,
  “Ananoy!” kunna niakan.
• Egga abbing ta gibbaw,
  Nanammi ta lappaw.
  Kiddawak-ku sa itadday,
  Naggagalo, nalliffay.
  (nebillay ni Mr. Carlvon Aquino na Pamplona)
• Azzaw duwa nga lima,
  Zimigi anna zigunan.
  Itayak ku marerenu,
  Poppo annano, itte, duwa, tallu,
  Marenu nga lima, mapian innan.
  (nebillay ni Ms. Rhea Vargas-Dupaya De Lara na Lallo, Cagayan)
• Egga duwa lima’,
  Zimigi anna ziwanan,
  Itayak ku, narerenu,
  Ipoppo ku mamittallu,
  Egga duwa nga lima nga narerenu.
  (nebillay ni Albert De Leon na Tuguegarao, Cagayan)
• Ifang kulifaffang,
  Nepattu ta dammang,
  Nepattu ta pipi,
  Pinaggoroluan na lasi.
  (version nga nebillay ni Fr. Grevie Castañeda Uanan na Isabela)
• Maria, Mary.
  Sukulati, mani.
  Banana, dupo.
  Kendi, deko.
  (nebillay ni Mrs. Janet C. Lim na Isabela)
• Peppeppi,
  Salanggopi,
  Banana, Dupo,
  Kendi, Deko.
• Ayong, monkey,
  Pig, bavi,
  Banana, dupo,
  Kendi, deko.
  (nebillay ni Mr. Tonipet Balabbo na San Pablo)
• Along, along,
  Patoli na bagong,
  Iyawa mu ngana,
  Ta awagad-da.
  (nebillay ni Mr. Tonipet Balabbo na San Pablo)
• O Kristiano, ginnam mu kagian na Dios,
  Ariam-mu igaggalo,
  Tolay nga makimemallo.
  Iddam-mu i pobre,
  Maski laman dulse.
  (nebillay ni Mr. Ryan Daniel Bagunu Allauigan na Cabagan)
• Tuttuttu na mammanu,
  Alegan i sapatu,
  Bombilya, mantekilya,
  Mabboda si Bako Iya.
• Vulang, vulang,
  Maddana ka ta dalang.
  Ume taka dammakkang,
  Gayagayamat-taka ta dapang.
  (nebillay ni Ms. Glaiza Guiuo na Reina Mercedes)
• Vulan, vulan makalozzang!
  Manavvu ka ta dalan!
  Etta ka dammakkan,
  Gayagayamat-taka ta dapang!
  (nebillay ni Mr. Paul Fernandez na Cabagan)
• Egga panyo’ tu green,
  Ginattak-ku tu bissing.
  Netabbe’ ta abaga’,
  Nina na nobya!
  (nebillay ni Mr. Paul Fernandez na Cabagan)
• Nu i Dios ay magallo,
  Ari matag-tageno.
  Nu i Dios i managaruli,
  Awan tu uli.
  (nebillay ni Mr. Rolando Padernal na Tumauini)

WARNING: FOLLOWING LEWD CONTENT (obviously, these are “learned” outside the school)

• Lubbe kami ngana mestru,
  Neppallo gare lagom,
  Nekagim dakal i v****m.
• Ananoy Banoy,
  Mataki i sak-ku.
  Nariga i makkawe,
  Tabbal i atte’.
• Mariga i man-negosyo ta bagga,
  Malugi ka nu mewara.
  Mapia paga i man-negosyo ta f**i,
  Ari ka pulus malugi.
• Noka nu mate ka,
  Vungunat-taka ta manta.
  Ta ipido taka ta avvu,
  Ta pavulunat-taka ta attu.

Nappasa nga artikulo: Mariga kanu gigiammuan i Ibanag?
Tumunuk nga artikulo: Alirang (Verso)