本來我係一個唔鍾意依賴人,習慣好多時都自己解決問題而唔會同人講嘅偏執狂。好多時都希望做到盡善盡美。因為想得到朋友認同,想係佢哋面前表現得做咩事都好可靠,而且又唔會帶到麻煩比對方,我都會配合佢地提出嘅意見而就係我遇到問題都唔會講出嚟。如我所願,當時我有一班一齊返學放學之後都一齊玩嘅朋友,而且喺唔同地方返part-time識到同齡人都會好快成為可以出嚟食飯傾偈嘅關係。
但係其實我無真正表達過自己需要,係朋友面前只係扮演一個我覺得人地會鍾意我嘅形象。
上一篇文章講過,我習慣自己解決問題而唔會搵人幫,覺得咁樣做唔會為其他人帶來麻煩,而且會更容易吸引到朋友。表面上我唔會講出聲去主動識人,除咗係害怕俾人拒絕之外,更加唔想強求一啲刻意一齊,大家唔係心靈相通嘅關係。因為無主動表態,就算係見到啲唔錯嘅人,我都係等人地主動去開口。結果發現就咁就無咗好多識到可能係志同道合嘅朋友機會,因為錯過咗嗰一次見面,就算自己對對方有好感,而對方都覺得你唔錯,但係又未吸引到主動開口嘅程度。咁就未必再有機會見到。計落計落錯過咗好多機會。
從上一篇文章其實不難發現,自少我都有一種無形的壓力,希望作為家中的大女兒可以給予家人獨立可靠的感覺。因為我知道家人都有自己的煩惱,而我不想父母因為要關顧我而令他們帶來麻煩。加上我有一個細佬。如果我可以做到更加獨立,父母就可以把更多幫助放到細佬身上而不用擔心我。
因為我沒有出聲講到明,我之所以表現到不黐家,目的是希望令家長們覺得不用再擔心我。但事與願違。反而令到屋企人和我沒有有效溝通,事實上他們看到的就是我時常都好晚才回家,很早就出門離開。代…