最近娛壹出現「丁母憂」一詞,牽起咗香港人熱烈討論。
呢啲嘢我可能都比較鄉愿少少。其實講咩都好,總會有人識有人唔識,無咩係常識嚟。反而呢件事勾起我一件童年回憶:
我童年最有印象嘅一樣嘢係;大概小一二嘅時候(具體唔記得,但大概係初小啦),我都仲係個好自以為天才嘅屁孩,會好自誇咁記住幾條乘法,例如人哋背緊九九八十一嘅時候,我就已經自己背咗八十一乘八十一係幾多(答案係 6561,證明我真係有背過)。可能當時嚟講識 81x81 係好撚叻呀,但呢項知識對數理有無幫助?