「生活原來就係同檯食飯」
各自修行。一餐飯嘅時間,你用嚟新陳代謝,佢用嚟捕捉精靈,我用嚟吞雲吐霧,佢用嚟見客跑數。呢個係大家嘅自由選擇。
各自修行。疫症下嘅對策,你選擇長戴口罩,佢選擇足不出戶,我選擇打流感針,佢選擇自然療法。信醫生護士,或信謝安琪林綸詩,都係自由選擇。
各自修行。兒女教育方針,你鍾意學之不完學之園,佢鍾意愉快學習華德福 (我成日都覺得諧音 Wa Da Faq 好有喜感) ,我鍾意屋村街坊幼稚園,佢鍾意國際學校英普班。你有錢可以使錢,我多謝你留多個英粵班學位畀我。同樣係自由選擇。