無論係你有冇讀法律都好,有一份法律文件都係生活中必然接觸到嘅──叫「合約」。
舉個例,今時今日小朋友出世,職場父母可能要請陪月幫手照顧產婦同初生嬰兒,呢度首先有份僱傭合約。又因為陪月工作性質,僱主會幫陪月買家傭勞工保險(偷雞唔買另計,不過唔啱嘅嘢唔好做),投保協議書又係一份合約。如果感覺太遙遠嘅話,你用緊嘅流動電話通話連數據服務,使用前一樣有份上台合約等你簽。
呢排書店有本黑色封面嘅書叫“Principles”,聽聞係top-seller。查實呢本書嘅作者叫Ray Dalio,佢係當今世上規模最大嘅對沖基金BridgeWater嘅創辦人,公司管理資產超過一千五百億美元,折合約一萬億港元有多。Ray曾經準確預測2008年美國次按危機及2011年歐洲債務問題。有別於「股神」巴菲特嘅「價值投資」,Ray堅信知古鑒今,利用數據同原則去判斷經濟前景及資產價值走向。
呢本《原則》講嘅,首先係做人處世嘅,以及工作上嘅原則。關於經濟同理財嘅原則,Ray會喺佢第二本著作先講。都啱嘅,正如《嚦咕嚦咕新年財》劉德華成日話齋,「人品好自然牌品…
你有冇投訴過老細好蠢?你有冇埋怨過老闆是非不分?你有冇不滿腦細未有賞善罰惡?
喺打工仔嘅字典入面,「老闆永遠是對的」。但能力越大責任越大,唔會錯嘅老闆就被期許為全能、全知、全善,神聖程度直迫上帝。咁好合理嘅,你講 A 時佢講 B ,你附和 B 嘅時候,佢又問你有冇諗過 C 。彷彿天和地,你挑選極都未啱佢心水咁。咁佢嘅心水,肯定係最佳選擇、冇得輸啦。
每一次辭職都似分手,都係同曾經因誤會而結合嘅人分道揚鑣,都係分咗手就不是朋友,關係無復舊觀,即使日後喺街上或業界活動相逢,都會有重隔膜、有陣尷尷尬尬嘅氣味。
你未必辭過職,但可能分過手 (首先⋯⋯) 。分手嘅嘢,好少可係無痛嘅。盧巧音十幾年前有首《無痛分手》,描述嘅係大家來得快、完得快,既然了無新意,不如好行唔送、和平分手。套返喺職場,嗰啲叫散工,臨時拉伕,隨插即用,隨時散 band ,名副其實淡淡交會過、各不留下印。
然後再為了下次開始。
打工當然唔係做人世,事業亦唔等於一切。不過返工佔咗你生活起碼三分一嘅時間,食粥食飯又係視乎份工,咁好好醜醜,都認真對待下返工呢回事。
好嘅開始係成功嘅一半,但係萬事起頭難,所以,返新工嘅第一日其實唔容易處理,要乾淨俐落冇水花,點都要做好準備。