「唯願我懂下台的美藝」
鞠躬了就退位,起碼得到敬禮。
謝安琪喺《囍帖街》唱到街知巷聞之後,唱咗呢首《年度之歌》。唔知係唔老黎定係自我實現預言 (self-fulfulling prophecy) ,阿 Kay 星途,高峰過真係總會有下坡。
連續三年稱霸歐洲球壇嘅皇家馬德里,就好似連續攞三屆金曲金獎咁,風頭何止一時無兩,直情係十年唔逢一閏。美國 NBA 都尚且有芝加哥公牛同洛杉磯湖人喺過去 25 年內先後連贏三屆總冠軍,但係講到歐洲足球最高榮譽,就已經要追溯到 1970 年代嘅阿積士同拜仁慕尼黑。