世界盃打到最後一輪分組賽,出現南韓贏波出局、日本輸波晉級嘅有趣情況。其中日本同塞內加爾從 (a) 得分、 (b) 得失球差、 (c) 入球、 (d) 對賽成績、 (e) 對賽得失球差、 (f) 對賽入球都一樣。結果要靠計算大家嘅公平競技分數,日本以些微點數壓過塞內加爾出線。
又,其實最後嗰三樣 (d) - (f) 喺兩隊、單循環賽制入面係多餘嘅。喺三隊同分、同得球及同失球,再秤圍內對碰嘅賽果,先至會有意義。
四年一度嘅世界盃殺到埋身,中環人又如何免俗?置記作為意大利球迷,今屆賽事理論上關我叉事,不過香港人接觸得最多嘅往往係英格蘭超級聯賽,對於英格蘭總有多少情意結。適逢今日深夜英格蘭出戰首場分組賽,對來自北非嘅突尼西亞,我就開筆講兩句。
英格蘭教練修夫基沿用 3–5–2 陣式,前線由哈利簡尼及史達寧領銜,中場有連加特及阿里後上,輔以佐敦軒達臣出任防中,兩邊翼衛艾殊利楊格及查比亞瞻前顧後,三中堅麥佳亞、史東斯及卡爾獲加各有分工,門將碧福特把手獨木關。
一夜之間,兩位一代球王憾別世界盃。
美斯敗走法國腳下,其實無可厚非。以表現計,阿根廷能夠殺入次圈已經相當難得。阿根廷今場尚曾一度以 2:1 領先,不過法國一個遠程炮追平,然後再開 turbo 由麥巴比兩球了結賽事。
如果要數當今球壇三位最強嘅球員,葡萄牙嘅基斯坦奴朗拿度 (C朗,一日最衰係巴西嗰件肥哨,搞到後來呢位朗拿度變咗「思朗」) 、阿根廷嘅美斯同巴西嘅尼馬應該係最正常嘅選擇。
三位阿哥分別喺 1985 年、 1987 年同 1992 年出世,能夠以巔峰狀態同場競技, 2018 年世界盃可能係最後一次。 (年年都有嘅球會級賽事就唔好講啦) 分組賽踢咗兩輪,大家都踢咗 180 分鐘 (補時嗰啲你唔好同我計啦) ,入球數字分別係 4 、 0 及 1 。
中環嘅熱門話題仍然係世界盃。無論係去見客、去 IFC 食 business lunch 抑或喺辦公室 R 水吹,都係三句不離世界盃。今屆賽事零舍多十二碼,執筆之時踢咗 23 場波 (巴西對哥斯達黎加未完場,尼馬嗰球畀 VAR 否決咗) ,已經有 11 個十二碼,其中九個入咗,秘魯嘅古華同阿根廷嘅美斯宴客。過往最多十二碼嘅一屆,都只係得 18 個。而今屆賽事仲有 41 場要踢喎。
足球場上嘅「極刑」大增,其中一個原因係世界盃首次應用 VAR (Video-Assistant Referee)…