喺新嘅地方生活,有好多嘢需要適應。衣食住行,樣樣都同之前唔同,有好多嘢值得分享。但係最多人關心嘅,始終都係番工。聽講話香港人嘅訴求就係番工,都真係講得幾啱。
1. 喺諗點去做一件事之前,先搞清楚係咪應該做。2. 因為人生無 controlled experiment,所以唔會知道決定「啱唔啱」。3. 每個人情況唔同,應該做嘅嘢都唔同。最緊要知道自己做緊咩。4. 無需要嘅嘢,就算平都唔應該買。5. 即場反駁多數都唔係最好嘅回應。6…
星期六上完 body combat 班,又攰又肚餓。諗住去之前去過一間幾好食嘅西班牙餐廳,點知原來無開。行過隔離街見到間成間綠色好有文青風嘅 cafe,就諗住入去試下。一入到去見到差唔多坐滿人,成大幅綠色嘅牆係手繪嘅社區街道圖,幾有心思。食客都同職員好好傾,成個氣氛好舒服。
時間總係唔經唔覺咁過去,已經好耐無寫過近況。之前以為新嘅地方生活會慢好多,仲諗緊好啊慢活我不嬲都唔介意,點知個步伐都唔係想像中咁慢。
前排有日一早起身,見到窗出面全部都係雪,成個人呆咗。雖然一路都幾凍,都無諗過一落雪就落咁多。靚係靚,但係都剷咗好耐雪先出到街。諗起之前有啲嚟咗無耐嘅人話呢個城市唔係太凍,最凍都係兩三度。好多時聽人講都未必可信,好多嘢親身經歷過先會知。