上回講過期貨與期權 (未睇過嘅請睇完碌落底搵傳送門) ,兩者都係衍生工具 (Derivatives) 。今次講嘅基金同 ETF (Exchange Traded Fund,中譯「交易所買賣基金」) 。佢哋本質上都唔係正股或債務工具,但亦唔係衍生工具,學名叫做集體投資計劃 (Collective Investment Scheme) ,最簡單嘅講法,就係籌旗夾份做月餅會,你一份、佢兩份,佛系供會,中秋到了就有月餅食。
人生財技,講緊嘅係將會計、財務、投資嘅概念,融入生活情景當中,解決一啲問題。情況類似已故作家馮兩努嘅《三國啟示錄》,差在劉備變咗撥備、孫權變咗期權,之類。
撥備嘅嘢遲啲再講。今次想介紹返,期貨 (Futures) 同期權 (Options) 。