「隨筆」體會到原來自己一直感受就如被困孤島
依個題目想寫好耐,我嘅廿幾年社會生活入面遇到唔同人,自問都可以順利表達自己想法而對方亦都明白。以前只要直接講,人地都可以推斷到個前因後果。因為大家都嘅生活都有共同點。
舉個例子。A:「唉!又到月尾,今個星期日日食雙餸飯啊!」
好顯而易見,就係因為到月尾,就快用晒啲糧,手頭現金唔多,而要去幫襯三十幾蚊又大份嘅兩餸飯。重點就係A想表達依家手頭緊絀。依個應該係人所共知嘅情況,因為都講明時間係月尾。而兩餸飯特點就係平。應該每一個人就算未試過日日兩餸飯都明白A要表達嘅意思。