「前瞻了，也要後顧」

移山，填海，求兩腳著地。大家打份工，無論係返置地抑或係量地 (真係做測量嗰個量) ，無非都係為咗三餐一宿、家人溫飽。點樣喺職場上安身立命、搵到適合自己嘅最佳位置，幾乎係置記每日都思考嘅問題。

或者你會覺得，打份工啫，唔使咁上心、咁多嘢諗喎。咁都好視乎每個人嘅危機感同埋心中歸屬何處。如果你冇咩負擔，人生目標就係學似電視節目《Trip精》嗰幾個主持話齋，「橫掂喺香港儲錢都買唔到樓，不如飛多轉啦」，咁真係唔需要定時定候為自己嘅仕途把把脈嘅。

「是非帶不走，唯有譽隨身」

IQ 題：如果股票買賣嘅地方係交易廣場；雞鴨鵝分銷場所係家禽批發市場；咁辦公室蜚短流長嘅集散地又係咩場呢？

答案係，「落場」。喂，唔好噓住，唔好掟蕃茄住。雖則返文職唔似飲食業，好少話可以下午茶市之後、晚市之前拉半閘唔做生意，任由員工瞓覺打牌煲煙發夢，但係喺打字同接電話之間， take a break 並唔係一件好難嘅事。

對於返 office 工嘅人嚟講，落場嘅三分七秒，目的地往往係茶水間，即係 Pantry 。你有冇留意過自己或隔離 team…

「聰明何處才累積到 使你學會望闊點？」

而家嘅小朋友，越嚟越聰明。置記身為人父，見住個仔由一舊飯、到聽教聽話到蠱蠱惑惑試人底線，變化速度之快就好似 Porsche 波子跑車咁，眨下眼已經由靜止去到時速 100 公里。

千禧年代出世嘅小朋友固然精靈，剛投身社會嘅畢業生或者做咗兩三年嘢嘅後生仔女，又何嘗唔係聰明伶俐？長輩流行講「一蟹不如一蟹」，但事實係後生可畏，因為佢哋成長嘅過程接觸嘅科技新玩意多咗、資訊豐富咗，潛能發展得比上一代全面。講真，我讀小學嗰陣都未有得上網睇報紙睇動新聞，放假喺屋企嘅娛樂就係聽收音機、睇《三國演義》同踢乒乓波， exposure…

「他們的生存之道」 (上)

夏天，為大地帶來曱甴。作為世界上其中一樣最受討厭或憎恨嘅生物，曱甴頑強嘅生命力有時真係令人好無奈。無論係藥餌、殺蟲水定係滅蟲噴霧，都好似總有失靈嘅時候。即使係最原始嘅拖鞋，兜嘢 Headshot 都唔保證小強一命烏呼，觸鬚或者腳仔微微顫動多兩嘢，正宗係唔打得都嚇得。

同樣地，有啲同事，或者有啲部門，佢哋喺你眼中可能好似曱甴咁神憎鬼厭、咁毫無價值，但偏偏佢哋搵到自己生存嘅空間，或者天時地利人和八字相合，於是佢哋一直存活，好似亞視一樣咁永恆，直到你走嗰日，佢哋個地位依然穩如泰山。

「少少嘢都做唔好，點做大事？」

呢句說話，我諗無乜邊個冇聽過，亦應該冇乜邊個冇畀人咁話過。分別只係，鬧你嗰個係你老豆、老母、老師定係老闆。

係呀，通常都係輩份老過你嘅人講呢句說話，所以又有所謂「老生常談」 (誤) 。

當自己係受嗰個、畀人話嗰個嘅時候，人嘅自我防衛機制通常都會啟動，諗出千百種藉口推搪，例如話「大丈夫不拘小節」、大把成功人士都有自己唔企理或者亂糟糟嘅一面，又或者歸咎於時間及資源不足，甚或者鬧返人哋轉頭，話人 Micro-Management 。

「如滄海深處埋藏著遺珠」

中文有個四字詞，叫懷才不遇。置記母語唔係英文，唔敢講英文有冇意思相近嘅講法。或者 「Hidden Gem」 會係一個講法，但冇中文嗰種深秋蕭瑟掃落葉嘅慘慘豬感覺。

職場上有冇所謂嘅懷才不遇？或者應該問，你有冇試過自感懷才不遇、感懷身世、慨嘆生不逢時？好命嘅、含住金鎖匙出世嘅朋友大概冇咁嘅煩惱 (但如果已經咁幸福，又點解要睇置記嘅文呢？) 。 Otherwise ，平凡像我，也許一天到晚，總有時覺得伯樂未到。

「明知顧問，降、修、膡」

香港人對「顧問」呢個工種絕對唔陌生。電視廣告日日夜夜宣傳嘅「乜鴻移民顧問」係顧問，「物宏理財顧問」又係顧問，報紙接受訪問嘅人力資源顧問更加多不勝數。不過見其他人做顧問多，有冇人真正知道顧問究竟係做乜？乜嘢人種適合做顧問？做顧問需要啲咩技能？

顧問，洋名 Consultant ，原則上係德高望重嘅角色。喺醫院睇醫生，資深嗰啲先叫「顧問醫生」，香港首富李嘉誠退休之後，繼續以「資深顧問」身份為長和同長實地產兩家上市公司出一分力。可想而知，要成為顧問，首先要學問淵博、見多識廣，未見過大蛇痾尿嘅話，最好唔好充大頭學人做顧問。