「怎麼走了這麼遠？」

呢篇文好特別，特別在於喺三萬呎高空中書寫。因為，置記出差公幹。

關於「公幹」二字，我一直都有以下奇怪嘅觀念：

• 返工唔一定需要公幹 (好多文職嘅活動範圍都只係辦公室嘅四面牆內) ；
• 公幹亦唔一定需要搭飛機 (理論上由中環中心去中環廣場或者 IFC 碌去 ICC 見客，又或者由觀塘踩入屯門擺攤檔都算公幹，差在長幹定短幹) ；
• 就算要搭飛機亦唔一定係長途 (飛深圳上海北京齊齊哈爾嗰幾個鐘， manageable…

英雄，要問出處

你冇睇錯，我冇打錯字。我知，我知傳統嘅講法係「英雄莫問出處」。

但我真係想講，英雄，要問出處。

星期一憂鬱

對於每個打工仔嚟講，星期日晚上都係憂傷嘅。因為星期一就好似一個聰明瞥伯咁，鬼鬼祟祟匿埋喺門後，等你上床瞓覺之後就彈出嚟壓住你。諗起都驚。亦因為咁，大家先至賴死唔瞓，星期日晚眼光光，黎明請你不要來。

星期一又唔係事必令人感到不安、驚恐懼嘅。你唔介意起身返工迫地鐵咪得囉。你記唔記得對上一次精神奕奕、精神爽利、腳步輕快咁返工係幾時？如果我冇估錯嘅話，應該係你返新工嗰一日。在晴朗的一天出發，係唔同啲嘅。

「不可能淪為大眾商品」

喺方皓玟成為佢本身的傳奇，同埋世界原來不像你預期之前， Charmaine 喺 2014 年有首作品叫《To Haters》，以爽朗撇脫嘅態度，回應所有曾經批評或者討厭佢嘅人。

當然，方皓玟喺之後兩年獲得主流樂迷認同，究竟係佢自己轉營，定係時勢變化令佢本身條路可以同大眾合流，呢個又係後話。

置記想講嘅係，時代不斷變遷，今時今日嘅工作職位，十年之後可能唔再存在。好多人擔心 A.I. (人工智能) 取代人手，情況同若干年前機器生產自動化、工廠工人飯煲不保嘅憂慮大同小異。