作為體育記者，最困難嘅工作可能係要同時間競賽，喺賽後盡快寫一篇稿，或者「包」一隻古仔出街 (適應用電子傳媒) 。今屆世界盃決賽秉承整屆賽事作風，由頭到尾都咁好味、咁峰迴路轉，習慣半場開筆嘅我，起個標題都有一定難度。不過下半場打陣咗三分一就唔使多諗咧。
畀返少少背景資訊大家：法國 4–2–3–1 陣式照舊，門將羅利斯；後防右至左有柏華、華拉尼、安迪堤、盧卡斯靴蘭迪斯；一對防中有普巴及簡迪；前面麥巴比、基斯文、馬杜迪；中鋒係銀河唯一嘅基奧特。
