「人生財技之牛三」
踏入九月份,隱隱約約感到秋意漸濃。不過有樣嘢,比氣溫跌得更快,係香港嘅股市。恒生指數跌到兩萬六嘅水平,年初勇闖三萬四、四十五度角連升十幾日唔識跌、騰訊挑戰五百蚊大關嘅喜氣洋洋,已經變成一片愁雲慘霧。
如果騰訊係恒指呢一年大起大落嘅指標,咁其他「新經濟股」,就係喺呢一浪狂潮當中聞雞起舞嘅 dancers ,由藍籌新貴嘅舜宇光學,到 IPO 新股上市嘅眾安在線、雷蛇、閱文、易鑫⋯⋯當初炙手可熱嘅高增長故事,今日價值得返一半,甚或更少。以上股份喺九月中嘅股價,同 52 周高位比較,少則唔見一半,多則得返兩成。