「我想知，為何要做KYC」

十幾年前，大學同學曾經講過：「細時唔讀書，大個做運輸」。喂，其實我細細個第一份想做嘅工作其實係巴士司機囉好冇？

咁結果我當然冇考到牌揸巴士嘅車牌。如果唔係呢度就唔係「置地記者」，係「城巴司機」啦。

當時大學畢業之前嘅搵工熱潮，主要圍繞各大機構嘅 MT 同埋 Big4 ，二三線嘅咪一般銀行 Sales 職位，好聽啲，叫 Banking Services Trainee ，都係「青衣」丫，冇 Management 之嘛。首先學 sell credit card sell mortgage…

「識揀一定唔做 Retail 」

香港係一個好有趣嘅地方，做銀行好似係一種身份嘅象徵咁。以前銀行 teller 妹仔被有錢人家公子哥兒 (或者佢哋老母) 睇中娶做老婆 (或者新抱) 係都市傳說，早幾年「銀行家，正人渣」嘅錄音傳遍整個中環，但歷久不衰嘅，係銀行界薪高糧準福利好嘅形象。

當然，你睇我好、我睇你好。相比起其他行業例如話零售、旅行、飲食等，銀行工的而且確係相對地穩定而又待遇唔差嘅。問題係，人類選擇總係傾向自己熟悉嘅優先，例如話揀銀行工就例牌揀咗啲家傳戶曉嘅品牌，如果仲要做著大家最貼身嘅零售銀行 (Retail Banking ，或個人銀行 Personal…

「要是甘於庸碌，那就讀 BBA 吧」

九月初，學已開，還寫選課的問題，就像現在才賣端午粽、悼屈原，就像散了席才到場擺低人情。不過，讀甚麼科是每年都必然討論一遍、歷久不衰的課題。今年旺季過了，文章寫好，留待明年翻推還是可以的。

有謂「行行出狀元」，無意對任何學科的同學不敬 (雖然本文肯定刺激到某些學系同學神經) ，但廢話不想多講，還是單刀直入－－

「大學讀 BBA 可能保你生活安穩、庸碌一生，但要有發圍，最好讀其他學科。」

「如果唔想做記者，讀新聞系」

同樣地，如果想做記者，唔好讀新聞系。
​
I’m not trying to be funny ，至少，香港第一大電視台無線電視已經更有趣地回絕本港各大專院校嘅實習生申請。無論中大、浸大、樹仁定珠海，今年都唔會有人去無線實習。原因？好似係留返啲位畀大陸實習生喎。

曾經，喺香港讀新聞系都算係一種值得炫耀嘅成就。女仔入新聞系，將來有望做「新聞之花」，男仔入新聞系，大把機會食未來新聞之花。講笑啫。但往日新聞系人材輩出，魏綺珊、黃德如、方東昇等響噹噹名字，…

「襟派人士，是 Compliance」

上次寫過 Legal 同 Compliance 呢兩路相關相似但唔相同嘅人馬，應承咗寫返做 Compliance 需要啲咩條件。而家找數。

或者你會問，點解唔寫 Legal 有咩條件？你有冇見過人寫做醫生要有咩條件？醫科畢業囉。法務或法事 (唔好笑，有銀行真係叫 Legal Department 做「法事」，當然打完齋要唔要和尚就另計) ，首先都係要有讀 law ， LLB / LLM / PCLL 呢啲，你讀得起嘅咪 go ahead 。

「社科人文出身，做金融？」

假期，當然唔係返工迫車嘅日子。放假，最好嘅係可以從營營役役嘅生活之中抽身一下，停落嚟諗一啲平時冇咩機會諗嘅問題。

例如話，日前有讀者問我，佢嚟緊要 take gap year 做 internship ，以佢本身讀 Social Sciences 同 Humanities 嘅出身，如何不背棄理想而又不失霸氣地入金融行業搵真銀？

作為過來人，我知道社會科學 / 人文學科出身嘅大學生，同 BBA 學生係互有長短嘅。

「 IT 人，你的犧牲很有用」

一年容易又清明 (乜唔係中秋？) ，意味住各大金融機構派花紅、加人工嘅數字公諸於世。以呢行作為經濟寒暑表嘅話，大家日子的確有點兒難過。早兩三年都仲話普遍加 3% -5% 跑贏通漲，花紅都個幾月至三個月不等。 2017 年，好似將啲數字除二就差唔多，有銀行界朋友戲稱，每個月加嗰雞碎咁多，夠食餐晚飯咁多多。

銀行業冇以前咁好賺，一來收益增長放緩，有湊公司客嘅 RM 講，一啲大陸客本身水浸，借錢自然審慎；二來另一啲大陸客周轉麻麻地，銀行為 bad debt 撥備手鬆極都要撥架，呢啲喺各大行財務報表都反映咗；三來 ETF…

「一醒覺經已殺出這條路」

見工通常會遇到一個問題：「你有咩 career goal / career aspiration ？」或者直接啲嘅問法係：「你嚟緊三至五年事業上有乜嘢目標？」

呢條問題通常留喺尾段，你個人已經適應咗個面試嘅氣氛，同個 interviewer 已經有少少了解，原先背好嘅稿忘記咗九成半，好容易一個唔該講咗心裡面嗰句。

即使你同我心入面都係諗緊「妖，鬼知咩？」口裡總會立亂作啲得體嘅嘢出嚟，不外乎都係喺呢間公司啲嘢上晒手，可能有得升職，或者涉足更廣泛嘅範疇。而我好老實同你講，呢啲廢話，九成九唔會成真。

「扮工不如辦公」

俗語話「識人好過識字」，意思係你有人際關係，勝過有實質才幹，從搵工到喺職場打滾以至做生意都無往而不利。

因為咁樣，好多人都會目標為本，返工就「以人為本」，一心諗住氹得掂老細就衣食無憂。久而久之，揣摩上意變成習慣，辦公變成扮工。

呢種現象，又以冇數跑、不以數字論英雄嘅場地最為普遍。或者有人會諗，唔使跑數咪冇咁大壓力囉。但作為一個曾經滄海嘅人，我覺得有數跑，總好過冇。