「社科人文出身，做金融？」

假期，當然唔係返工迫車嘅日子。放假，最好嘅係可以從營營役役嘅生活之中抽身一下，停落嚟諗一啲平時冇咩機會諗嘅問題。

例如話，日前有讀者問我，佢嚟緊要 take gap year 做 internship ，以佢本身讀 Social Sciences 同 Humanities 嘅出身，如何不背棄理想而又不失霸氣地入金融行業搵真銀？

作為過來人，我知道社會科學 / 人文學科出身嘅大學生，同 BBA 學生係互有長短嘅。

「無人關懷是誰大平賣親和」

返工，見到隔離 team 有個座位無之啦啦吉咗。一問，先知原來有個同事已經「起咗身」。起身同過身，相同之處係你唔會再喺呢個時空同場合見到佢，不同之處係通常冇咩儀式悼念往者。 There is just no time to mourn.

諗返起呢位已經「唔喺度 (做) 」嘅故人，置記第一印象同最後印象都係 “He’s a nice guy” 。 And you see the reason why.

「原來過得很快樂」

十年前，置記初入金融世界，其時第一個老闆提出四個首要關注嘅問題：

1) 生意。前線就跑數，後勤就營運效率。

2) 客戶服務。當年未興講 Customer Experience 。有乜分別？服務可以係一瞬間一剎那嘅，體驗係成個 customer joruney 嘅事，同呼吸一樣隨身。

3) 風險管理。當時雷曼未爆煲，美債未降級，匯豐未畀人罰錢，呢個思維算係比較前衛。

「若勉強也分到不多」

講返上次大排檔三支公一支生啤嘅故仔。上次講完轉工轉著個極品老闆，今次調返轉，講另一個朋友嘅故事，咁啱，佢原本嘅身份係一個老闆。

係囉，原本丫嘛。咁即係而家唔再係老闆囉。朋友話，佢要接受呢個鉅變，都真係意志消沉咗一排。唔係話「媽呀，我冇得再做老闆喇⋯⋯」嗰種悲鳴，而係作為一個船長，要宣布大家棄船求生，自己作為最後一個跳船嘅人，嗰種無奈與掙扎，嗰種背棄了理想嘅哀號。

「但是你我都欠見地」

香港人，好似好鍾意投資。起碼講係投資，即使身體誠實地投機。投資物業、股票、外幣、黃金⋯⋯口口聲聲話長線睇好嘅多，有咩風吹草動割禾青或止蝕走人嘅更多。

如果話真正嘅投資，可能係喺自己身上投資先至最真。老豆老母喺你一出世嗰下已經投資緊奶粉尿片落你度，未必旨意回報高達幾多巴仙，但肯定係數以年計嘅長線投資。

你同樣地投資緊喺你自己身上。花時間進修，畀錢讀 Cert / Degree / Qualifications 。衰啲講，考車牌都係投資，日後揸 Uber 定係接載外母，都有回報。