九月初,學已開,還寫選課的問題,就像現在才賣端午粽、悼屈原,就像散了席才到場擺低人情。不過,讀甚麼科是每年都必然討論一遍、歷久不衰的課題。今年旺季過了,文章寫好,留待明年翻推還是可以的。
有謂「行行出狀元」,無意對任何學科的同學不敬 (雖然本文肯定刺激到某些學系同學神經) ,但廢話不想多講,還是單刀直入--
「大學讀 BBA 可能保你生活安穩、庸碌一生,但要有發圍,最好讀其他學科。」
同樣地,如果想做記者,唔好讀新聞系。I’m not trying to be funny ,至少,香港第一大電視台無線電視已經更有趣地回絕本港各大專院校嘅實習生申請。無論中大、浸大、樹仁定珠海,今年都唔會有人去無線實習。原因?好似係留返啲位畀大陸實習生喎。
曾經,喺香港讀新聞系都算係一種值得炫耀嘅成就。女仔入新聞系,將來有望做「新聞之花」,男仔入新聞系,大把機會食未來新聞之花。講笑啫。但往日新聞系人材輩出,魏綺珊、黃德如、方東昇等響噹噹名字,…
之前睇咗 審計新丁 嘅一篇分享。雖然置記唔係行內人,但都接觸過唔少 Auditors ,作為旁觀他人痛苦 (係!我有讀過 Susan Sontag 架) 嘅花生友,我可以講兩句。
首先,香港呢個 so-called 國際金融中心,出產最多大學畢業生嘅學科叫工商管理。諗返當初臨近畢業,讀 BBA 嘅朋友好勤力搵工,除咗大企業嘅 Management Trainee programme ,就以 Big Four 最受追捧。原因?請得人多,入職人工唔差,肯捱 (等待摧殘) 、有火 (等待淋熄) 、肯考試嘅新鮮人,就係 PWC 、 KPMG 、 EY 同 Deloitte…